Always coca-cola

Jæja,  þetta hef ég uppi fyrir að vera slúðurdrós..Eurovision lag Íslendinga á http://perezhilton.com/2008-04-22-this-is-not-a-joke-28#respond

My oh my oh my....

Listi yfir það sem mér finnst allra fallegast við konur....mjög yfirborðskennt:

•  Bognir fingur....Konur sem eru með putta sem sveigjast svona upp-niður-upp finnst mér svoooo fallegar!! Það er að segja...hendurnar á þeim eru svo fallegar. Og allt sem þær gera með puttunum sínum. Mmmm....mig langar að skipta mínu beinu ljótu ömurlegu puttum út fyrir svona bogna  
• Vel mótuð brjóst...Það er ekkert til fallegra í öllum alheimnum en falleg brjóst. Skiptir eiginlega ekki máli hvort þau séu stór eða lítil, bara...að þau séu falleg í laginu. Og fyi, ég er ekki lesbísk, ég kann bara að meta svona hluti. Hef verið upptekin af brjóstum síðan ég var pínulítil. Og er enn....ég get séð utan á konum hvort þær séu með falleg brjóst eða ekki, og ég blóta þeim sem eru vel mótaðar en ganga samt í brjósahöldurum! How dare you!!
• Varir sem eru mótaðar í brosi...Þetta er svoldið tricky...en ég á eina vinkonu sem er með varir sem eru einhvern veginn alltaf í svona hálfbrosi, og svoldið útstæðar og sérstaklega þegar hún talar þá mótast varirnar hennar svo fallega...Arg, hvað er ég að reyna að segja. Ég allavega dýrka þær.

Svo verð ég að nefna eitt sem ég þoli ekki við annað fólk, þetta á við bæði konur og karla:

• Þegar manneskja pantar ís í ísbúð, fær ísinn á borðið, réttir kortið sitt fram til að borga, og byrjar svo að háma í sig ísinn sinn. ÁÐUR en kortinu hefur verið rennt í gegn. Þegar ég sé fólk gera þetta langar mig að smyrja ísnum þeirra framan í það. Ég hef enga þolinmæði fyrir svona svínum. Ekki að ég vinni í ísbúð eða neitt þannig....finnst bara svo....æ ég veit ekki...óþolandi að fólk geri ráð fyrir að eiga alveg fyrir ísnum. Er alltaf að bíða eftir að afgreiðslumanneskjan segi: afsakið en það var ekki heimild....Hvað gerir fólkið þá? Ælir upp ísnum?  I'm on to you!

Jæja...þetta er allt sem mér dettur í hug....veit ekki af hverju ég var að punkta þetta o.O Later.

Ég er háð því að lesa blogg. En hver er það ekki þessa dagana  Ég les allt sem ég kemst í, blog.is, bloggar.is, blog.central, blogspot, myspace..you name it. Oftast er þetta hjá blááááókunnugu fólki sem ég veit ekkert um, en ahh hvað það er gaman að lesa. Mér finnst æðisgengið að sjá fólk rífast í commentum og skrifa blogg um hvað þessi og hinn er svona og svona. Ég hef svo sem ekki bloggað mikið hérna, en nota aðra miðla. Kannski að ég fari að lífga þetta eitthvað við. Mig langar hins vegar að blogga um afskaplega furðulegt fyrirbæri, Alli megrunarpilluna. Ég las fyrst um þetta fyrir nokkrum dögum á vinsælu myspace-bloggi, þar sem þessi pilla er útskýrð. Ég varð að grennslast meira um fyrir þessu og fann ýmsar skemmtilegar staðreyndir. Galdurinn við pilluna er að hún leyfir líkamanum ekki að melta 1/4 hluta fitunnar sem maður borðar, svo að sú fita sem ekki meltist, skilar sér út úr líkamanum.

Þvílík súperlausn á megrunarvandamálinu! Ok, smá grín, en það sem þessi pilla má eiga er að hún er eina megrunarpillan sem hefur verið samþykkt af FDA samtökunum í bandaríkjunum, sem þýðir að hana má selja í apótekum án lyfseðils. En að djúsí partinum. Þeim sem ætla að nota þessa pillu er ráðlagt að borða ekki meira en 15grömm af fitu í hvert mál. Það má ekki spara sér fitugrömm eina máltíð og gúffa svo í sig í næstu, Alli bannar það. Af hverju ætli það sé? Jú, annars upplifir maður meðferðareinkennin ógurlegu! "Meðferðareinkennin" (treatment effects) eru breyttar hægðarvenjur. Þarmarnir komast í eitthvað uppnám við að geta ekki melt alla fituna og vilja skila henni út sem fyrst. Það er í alvörunni mælt með því á virðulegri heimasíðu pillunnar að mæta í dökkum buxum í vinnuna fyrst um sinn, á meðan líkaminn er að venjast breyttum aðstæðum. Já, fólk má búast við að skíta á sig  Ég hélt að ég yrði ekki eldri þegar ég las þetta. Á spjallvefum um pilluna má sjá konur mæla með að nota bleyjur og ýmis konar önnur ráð til að verjast niðurlægjandi aðstæðum. Hvað með að niðurlægja sjálfið? Æ ég veit ekki...mér finnst þetta eins óaðlaðandi og hægt er.

Þá er komið að því sem ég ætla að hafa reglulega hérna, samræður af notalwaysright.com:

Ég man greinilega eftir því þegar ég fór að efast um trú mína á guð og jesú. Ég var sex ára, og hafði nýuppgötvað að jólasveinninn var ekki til. Í skólanum daginn eftir sagði ég bekkjarsystur minni þennan kalda sannleika, en hún var ekki alveg á því að trúa mér. Hún krafðist þess að jólasveinarnir væru allir til og upphófust miklar samræður á milli okkar um þetta mál. Við komumst að þeirri niðurstöðu að líklega væru til jólasveinar, en þeir væru hins vegar ekkert sérstaklega gjafmildir eða þeim eiginleikum gæddir að geta farið um allt land með gjafir í skóinn. Þeir væru bara gamlir kallar sem byggju uppi í fjalli með mömmu og pabba, en gerðu ekkert spes..sátu bara og átu velling.

Það sem fór næst í gegnum barnshugann minn skefldi mig svo að ég þorði ekki að segja það upphátt, en mér fannst eins og hugmyndin um jólasveinana gæti líka átt við Jesú...það er að segja, hann gæti kannski alveg hafa verið til, en var hins vegar bara venjulegur maður, ekki með neina tengingu við guðlegan mátt. Hann væri bara...einstaklega góð manneskja sem var uppi fyrir mörgum árum. Eftir þetta minnistæða atvik fór trú minni ört hrakandi, og þó svo að ég fengi alltaf hátt í kristinfræði, mætti stundvíslega í sunnudagaskóla og bæði bænir á hverju kvöldi, þá var alltaf nagandi efi sitjandi í mér. Það sem ég man úr sunnudagaskólanum er HiC djús og brauð handa öndunum, og bænirnar voru oft mjög veraldlegar, mig langaði alltaf svo mikið í eitthvað dót.

Loksins í fermingarfræðslunni í fyrsta bekk í Hagaskóla, fann ég endanlega fyrir því að ég væri algjörlega trúlaus. Þessi staðfesting kom að miklu leyti frá prestunum sem kenndu okkur, því þeir forðuðust allar spurningar mínar eins og heitan eldinn. Ef ég spurði eitthvað út úr kortinu, sem þeir áttu erfitt með að svara, oft svona: ef að guð þetta, þá af hverju hitt spurningar, þá bara lokuðu þeir á mig og beindu athyglinni annað. Þess vegna, eftir nokkura ára togstreitu, "frelsaðist" ég loksins frá trúnni, og hef lifað sem svona militant atheist síðan. Ég er góð við börn, dýr og gamlingja, virði foreldra mína og yfirmenn, stel hvorki né myrði og held að svona almennt sé ég mjög góð manneskja. Ég þoli þess vegna ekki þegar trúfólk heldur því fram að trúleysingjar séu siðlausir, það er svo rangt! Hvernig heldur það að mannfólkið hafi komist af í öll þessi árþúsund áður en kristni komst á kreik? Þetta hefur örugglega verið ein af þeim spurningum sem prestarnir hunsuðu .

Vááááááá hvað mér leiðist...er að bíða eftir að eitthvað vídjó hlaðist á netinu...Vídjó um dverga none the less  Ég hef ekki skrifað hérna í langan tíma..hef verið að gera eitthvað annað greinilega, eins og að glápa á online vídjó og lesa blogg frá klámstjörnum.  Það er allavega ekki leiðinlegur lestur. Hefur líka gjörsamlega snúið á hvolf öllum hugmyndum mínum um þetta starf. Ég er ekki frá því að fleiri ættu að lesa um þetta....hmmmm....you people out there...

En já...ég er hætt í skólanum og ætla held ég bara að fá mér vinnu yfir jólin og eitthvað inní nýja árið. Mr. Big ætlar svo að sækja um einhvers konar visa fyrir mig úti í Texas svo að við getum nú byrjað þetta samband okkar af alvöru. Síðasta ár hefur verið rosalega götótt hjá okkur, búin að vera meira sundur en saman really...þar sem peningaskortur og lög leyfa ekki annað. Eina sem ég veit eftir allt þetta er að ég ætla aldrei aftur að vera í svona fjarsambandi. Úff hvað það er erfitt. Eiginlega ekki hægt. Svo að ef ég get ekki flutt til Texas eftir nokkra mánuði, þá flytjum við tvö bara eitthvert á eyðieyju og lifum á kókoshnetum og villibráð...mmm...hljómar ekkert svo illa reyndar...